#حلمك_يا_شيخ_علام

الشيخ علام هو محمد الجندي : محامى وزير الداخلية الأسبق " حبيب باشا العادلى " بيقول كلام يدل على إنتشار العبط بين الشعب ( من صدقه فقط) بشكل رهيب...
أل إيه
أل العادلى بمجرد سماع الحكم بحبسه فى قضية فساد الداخلية تعرض لحالة صحية سيئة نتج عنها إصابته بجلطة... حتى اسألوا ظابط التنفيذ اللى شاف بنفسه وصعب عليه الباشا فتركه يتعالج، ويبقى يجيي بعدين يقبض عليه. تكون صحته اتحسنت... وبعدين وبعلم الناس كلها الباشا راح واحد من قصوره فى 6 أكتوبر، وداخل فى غرفة العناية المركزة بتاعة القصر...
وبعدين الشيخ علام ( المحامي محمد الجندي)  الناس بتقول أن حبيب باشا هرب، طب ليه لغاية دلوقتى مفيش بيان من الداخلية بهروبه.
يا شيخ علام أحمد باشا شفيق مازال فى رحلة عمرة من 5 سنين حسب أخر بيان للداخلية...
وأخيراً الشيخ علام بيختم تصريحاته : حبيب باشا بيوعد الدولة العبيطة بأنه إذا تحسنت حالته الصحية وخرج بسلامة الله من غرفة العناية المركزة الموجود فى أحد القصور التى يملكها بمدينة 6 أكتوبر ( مكان سري)
واقسم الشيخ علام براس الباشا أنه هيجيب الباشا ويعمل استشكال..
وأخذ الشيخ علام بالدعاء على الظالمين دون أن يحدد " من يقصد بالظالمين " حلمك يا شيخ علام
فمازال البعض منا بدون بردعة، ولا يشربون عصير البرسيم...

[ "حلمك يا شيخ علام " هو أسم مسرحية للكاتب الكبير أنيس منصور وكانت تدور حول سباك أنتحل صفة مشعوذ يرى فى أحلامه كل ما يخص هذه الاسرة والتى تتسرب أخبارهم بسهولة ولأنهم يصدقون كل ما يقوله المشعوذ بمجرد أن يضع منديله المحلاوى على وجهه ويوهمهم أنه سيحلم - هو تماماً ما يصنعه بنا ذاك المشعوذ محمد الجندى فهو يخبرنا قصص من نسج خياله ببساطة لأن الباشا حبيب خارج مصر وكان فى وداعه نخبة من رجال الداخلية مازالوا محسوبين على نظام تم خلعه صورياً ]